Ehara taku toa...

Anei ētehi whakaāhua o Te Pihinga!!

Kua tae mai a Ohomairangi ki Te Pihinga. Mihi ki ngā kotiro e kaha manaaki i a ia.

 Te mahi a Tane Rori a Hine Te Rēhia.

Ehara taku toa i te toa takitahi, engari taku toa, he toa takitini.


Kua tū rangatira a Riley he māngai mō te akomanga i tērā wiki. 

Mihi mutunga kore ki a koe e te tino tuākana o Te Pihinga.

Kei te whakaharatau a Matua Don i te mahi kauwhau!

Kei te aro ēnei tamariki i te kōrero o Matua Don.

Te Pihinga 2016

Ngā mihi o te tau hou ki a koutou katoa te whānau o Te Pihinga.

Tuatahi rā ka tuku mihi ki te atua i runga rawa, ko ia te tīmatanga, ā, te whakamutunga o ngā mea katoa. Ki ngā whare, Rapanui me Ūkura, nā kōrua mātou e whakaruruhau e whakamāhana i tēnei tau, e tū, e tū, e tū tonu rā.

Nei rā ngā mihi matakuikui mai i a mātou ngā kaimahi o Te Pihinga ki a koutou ngā whānau kua hoki mai, ā, ki a koutou hoki ngā whānau hou. He tau nui i mua i ā tātou, he maha ngā whainga kia tūtuki.

Tino hīkaka mātou o Te Pihinga kia tīmata ai i tēnei tau, kua rite ngā mahi, ā, kua mokemoke hoki i ngā tauira.

Kia mau kia tēnā, kia mau ki tēnā kia mau ki te kawau maro. Whanake ake!

Ko Ōwhawhe, ko Rangitoto, ko Pīrongia ngā maunga.

Ko Waitomo, ko Waipā ngā awa.

Ko Tainui te waka.

Ko Uekaha, ko Ngāti Paretekawa ngā hapū.

Ko Ngāti Maniapoto te iwi.

Ko Mataia, ko Kamoe rātou ko Te Haumihi āku tamariki.

Ko Joel Timothy toku taringi.

  Nei rā te mihi e rere ana ki ngā whānau katoa o Te Pihinga.

E kaingakau ana ahau i te Kapa Haka, i te riki me te noho tata ki tōku whānau me ōku hoa.