I haruru te whenua i kā tuākana o Te Pihinga ki te papa poitarawhiti, poiwhana anō i tēnei ahiahi. Wehe ana au i te rekareka i te waiaro o taku tīma poitarawhiti; aro kau ki kā mahi tika, whai whakaaro tēnā ki tēnā, nā rātou i whakawaha te riri! He tino kāpene a Malia.
He rerekē tēnei wiki; i te koreka o Whaea Amber rātou ko Whaea Hammy ko Matua Geno, te hokika mai o Whaea Kimi rāua ko tā tātou pēpi a Hineteururangi - wēhina! Kai te noho mai a Matua Tairoa rāua ko Hākui Surin, nō mātou te whiwhi.
Kua aro mātou ki tā Hirini Melbourne taki i te pūrākau o Hinepūkohurangi rāua ko Te Maunga, he whakataki pai i te aroka tuhituhi, arā te paki whakamārama.
Ko tā mātou whakataukī i tēnei wiki:
Mōhukihuki ki te tihi o Aoraki
Ko tā mātou kīwaha: okea ururoatia
I wānaka hoki mātou he aha kā hiahia ki te ako e pā ana ki te kaupapa whānui ko Rakinui. He tino wāhaka kai te haere.
